Futbollistët e grupmoshës U19 të Kosovës kanë pësuar humbje shumë të thellë në nisje të kampanjës kualifikuese për “Euro 2026”.
Kosova e udhëhequr nga përzgjedhësi Albert Bunjaku, humbi 4:0 nga Norvegjia të mërkurën në ndeshjen që u luajt në “Odd Stadium”, në Skien të Norvegjisë.
Norvegjia është nikoqire e Grupit 12, ku janë edhe Gjermania dhe Armenia.
Alexander Rossing-Lelesiit dhe Sean Nilsen-Modebe i shënuan nga dy gola në fitoren e norvegjezëve.
Ata realizuan në minutat 64, 82, 88 dhe 91.
Kosova U19 të shtunën dhe të martën i luan edhe dy ndeshje të këtij grupi, ndaj Gjermanisë dhe Armenisë.
Dy ekipet e para të secilit prej 13 grupeve dhe përfaqësuesja më e mirë e vendit të tretë, avancojnë në “Elite Round”.
Ndeshjet e raundit të ardhshëm luhen në pranverën e vitit 2026.
Evropiani U19 në vitin 2026 organizohet në Uells.
🇳🇴Norge G18 får en pangstart på EM-kvaliken med 4-0 over Kosovo. Kaptein og Bundesligaproff, Alexander Røssing-Lelesiit, tok ansvar med 2 scoringer. Det samme gjorde Sean Nilsen-Modebe.
Nå venter Armenia og Tyskland. Topp 2 pluss beste gruppetreer tar seg videre. Ser lyst ut! pic.twitter.com/vivqDj7gIt