Paris Saint-Germaini ka dëshmuar pse është fitues në fuqi i Ligës së Kampionëve. Kështu ka thënë trajneri Luis Enrique pasi skuadra e tij e eliminoi Liverpoolin në çerekfinale me rezultatin e përgjithshëm 4:0.
PSG-ja fitoi të dy ndeshjet me rezultatin 2:0.
Kampioni francez vuajti në pjesën e dytë të ndeshjes në “Anfield”, por Ousmane Dembele shënoi dy gola për fitore tjetër.
Enrique thotë se mbrojtja e trofeut mbetet prej sfidave më të mëdha në futboll. Por sipas Enriques, ekipi e tij e ka merituar të garojë me skuadrat më të mira evropiane.
“Është e vështirë të mbrohet trofeu i Ligës së Kampionëve, e dimë këtë. Por jemi këtu sërish dhe duhet ta shfrytëzojmë maksimalisht këtë mundësi”, ka thënë Enrique.
Edhe
Henry me lëvdata për Parisin
“Është kënaqësi për mua që ekipi mund të luajë në këtë nivel, pavarësisht se kë e kemi përballë. Jemi skuadër me shumë besim dhe tifozët e shprehin këtë po ashtu”.
Ai thotë se Parisi e ka menaxhuar ndeshjen shumë mirë, ndonëse golat erdhën pak më vonë se që kanë pritur.
