Sulmuesi Pierre-Emerick Aubameyang është shumë afër që të kthehet te ish-skuadra e tij, Marsielle.
“Foot Mercato” ka shkruar të shtunën se 36-vjeçari nga Gaboni do të nënshkruajë kontratë dyvjeçare me klubin për të cilin u paraqit në edicionin 2023/24.
Aubameyangu e ka shkëputur më herët kontratën me skuadrën saudite Al Qadsiah.
Ai realizoi 21 gola dhe dhuroi tri asistime në 36 paraqitje për këtë skuadër.
Në elitën e futbollit francez, Aubameyangu ka luajtur në 154 ndeshje, ndërsa ka realizuar 58 gola e 31 asistime.
Ai në mesin e shumë skuadrave, karrierë ka bërë edhe te Milani, Dortmundi, Arsenali, Barcelona e Chelsea.
