Sulmuesi i Kosovës, Fisnik Asllani, ka vazhduar me formën e jashtëzakonshme këtë edicion në Bundesligën gjermane.
Asllani të shtunën pasdite ishte realizatori i një tjetër goli për skuadrën e Hoffenheimit.
Ai shënoi gol të bukur në fitoren 3:1 të Hoffenheimit ndaj Heidenheimit. Kjo ndeshje i takoi javës së tetë.
Asllani realizoi për 1:0 në minutën e 18-të, në portën e portierit Diant Ramaj, që mbron ngjyrat e Heidenheimit.
Për Asllanin është goli i pestë sezonal në Bundesligë. 23-vjeçari Asllani ka edhe një gol të shënuar në Kupë të Gjermanisë. Ndërsa ka edhe dy asistime.
Qendërsulmuesi Asllani luajti deri në minutën e 76-të, kurse bashkëlojtarët e tij, Leon Avdullahu dhe Albian Hajdari e kompletuan ndeshjen.
Asllani vazhdon me gola në Bundesligë, Hoffenheimi në Evropë
Te mysafirët përpos që në portë ishte Ramaj, ndeshjen e kompletoi edhe Arijon Ibrahimoviqi. Ndërsa për shkak të lëndimit mungoi mbrojtësi i krahut, Leart Paqarada.
Hoffenheimi ka 13 pikë në mesin e tabelës. Heidenheimi ka katër pikë në pjesën e poshtme të tabelës.
🚨 GOAL: Fisnik Asllani 18'
— Goals Xtra (@GoalsXtra) October 25, 2025
Bundesliga | 🇩🇪 Hoffenheim 1-0 Heidenheimpic.twitter.com/i858qxCJuS
