Sulmuesi Fisnik Asllani e realizoi golin e vetëm për Kosovën në fitoren e madhe 1:0 ndaj Suedisë.
Asllani është kthyer te skuadra e Hoffenheimit dhe të premten ka dhënë një intervistë për faqen zyrtare të klubit gjerman.
Qendërsulmuesi 23-vjeçari deklaroi se fitorja ndaj Suedisë ishte një ditë shumë e bukur për gjithë shtetin e Kosovës.
Ai foli edhe për raportet që ka me dy futbollistët e tjerë të Kosovës, Albian Hajdarin dhe Leon Avdullahun, që po ashtu luajnë te Hoffenheimi.
“Mendoj se ishte një eksperiencë shumë e mirë që patëm me ekipin kombëtar. Shumë e veçantë dhe emocionuese. Mendoj se për të gjithë vendin ishte një ditë shumë e bukur dhe jemi thjesht shumë të lumtur si shkoi. Sigurisht, ne e njohim njëri-tjetrin shumë mirë nga klubi. Është shumë e lehtë edhe për ne, sepse ne e kuptojmë njëri-tjetrin mirë. Këtu kalojmë shumicën e kohës me njëri-tjetrin dhe pastaj bëjmë të njëjtën gjë me ekipin kombëtar”, u shpreh Asllani.
Asllani me “Dardanët” ka dy gola të shënuar në dhjetë ndeshjet e zhvilluara.