Deputeti i Aleancës, Besnik Tahiri, ka thënë se Kosova sot është në një proces integrues totalisht pa agjendë.
Ai ka thënë se Kosova është vendi me progresin më të dobët në Ballkanin Perëndimor dhe i vetmi vend që ka qenë nën sanksionet e BE-së për më shumë se dy vjet.
Tahiri ka deklaruar se një nga problemet kryesore të evidentuara në raport është edhe menaxhimi i parasë publike.
“Një ndër problemet kryesore në raport është edhe menaxhimi i parasë publike. Korrupsioni dhe keqmenaxhimi i parasë publike janë rrezik i madh. Kjo qeveri duhet të ndërmarrë tre hapa: caktimin e një ministri ose zëvendësministri përgjegjës për agjendën e integrimit evropian, adresimin serioz të çështjes së statusit të vendit kandidat dhe të mos lejojë të humben 131 milionë euro, ashtu siç janë humbur 43.8 milionë euro”, ka thënë ai.
