Tina Pozhegu e ka kaluar një jetë me rrugët. Këtë e ka bërë nga pasion për ngasjen e makinave fillimisht, pastaj si garuese e makinave sportive e deri më sot që është instruktore në Gjakovë.
“Kanë mund të numërohen në gishtat femrat që atëherë kanë pasur patentë-shofer”, thotë Pozhegu.
Ajo ka qenë pjesë e auto klubit për femra “Gjakova 137”, në të cilën ka arritur të fitojë çmime të ndryshme.
“Ka qenë periudha më e bukur e jetës sime, por klubi nuk funksionoi gjatë për shkak që sporti me makina është shumë i shtrenjtë dhe nuk kishte financime”, thotë ajo.
