Për më shumë se pesëdhjetë vjet në qytezën e Opojës funksionon shoqëria kulturore-artistike “Bresana”, e cila gjatë fundjavës organizoi Festivalin mbarëkombëtar folklorik-burimor “Opoja vallëzon”.
Diveristeti i këngëve, zakoneve, traditave dhe valleve të trevave shqiptare pasqyrohen në ngjarjen që organizohet me qëllimin që të rinjtë të motivohen për të mos e harruar folklorin, raporton KOHA.
Buzë maleve të Sharrit, në një sallë të improvizuar e me numër të kufizuar të publikut janë shfaqur koreografitë me motive të historive dhe gojëdhënave shqiptare.
Gjatë dy ditëve të Festivalit janë prezantuar dhjetë shoqëri kulturore- artistike.
Profesori Afrim Canolli thotë se në këtë festival prezantohen veshje të shumëllojshme.
Festivali pati edhe karakter garues dhe Shoqëria Kulturore Artistike “Malësori” nga fshati Gjonaj i Hasit për vallen autentike u shpall fituese e edicionit të dytë.
-
Nga: Kreshnik Bekteshi
-
12 tetor 2020 19:59
-
Shpërndaje në: