Lulet në çizmet e komandantit shërbejnë si përballje e luftës me tejkalimin e saj.
Ekspozita “Shiu i fundit” e skulptorit Agron Blakçori është hapur të premten në Galerinë e Fakultetit të Arteve në Prishtinë, raporton KOHA.
Procesi krijues i skulptorit nga Podujeva është i gdhendur përmes tri veprave artistike.
Kuratori i ekspozitës, Naser Shatrolli, thotë se ekspozita është e orientuar kah arti konceptual ku veprat përfaqësohen edhe nga konteksti i tyre.
Autori Agron Blakçori përmes ekspozitës minimaliste prek edhe çështje të ambientit.
Ndryshe nga ceremonitë e hapjes së ekspozitave, “Shiu i fundit” është hapur në praninë e pesë personave.
Veprat do të qëndrojnë në muret e galerisë së Fakultetit të Arteve edhe për dy javë.
© KOHA. Të gjitha të drejtat janë të rezervuara.
