Anëtarët e ekspeditës së Kosovës drejt Everestit, Nazmi Hasanramaj dhe Arineta Mula, që nesër planifikojnë të nisen për në Kampin 1, Luginën e heshtjes, që shtrihet në lartësi mbidetare prej 6100 deri në 6400 metra.
Kushtet klimatike janë ende të vështira. Erërat e forta kanë çarë një pjesë të akullnajës Khumbu, në hapësirën ndërmjet dy kampeve. Prandaj edhe sherpat i janë qasur punës së rivendosjes së litarëve dhe të shkallëve që do ta mundësojnë ngjitjen deri në Kampin 1.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPër nesër është paraparë edhe përmirësimi i motit, prandaj edhe anëtarët e ekspeditës, të cilët janë shumë mirë me shëndet dhe me disponim, do ta nisin fazën e parë të aklimatizimit prej Kampit Bazë e drejt majës, duke besuar se do të mund të arrijnë edhe në Kampin 2.
Reshjet e borës që janë paralajmëruar në dy ditët në vijim, pritet edhe që t’i zbusin temperaturat të ulëta që mbërrijnë në minus 28.
Për të mbërritur deri në majën e Everestit (8850 metra) duhet kaluar katër kampe: Kampin 1 – Luginën e heshtjes (6100-6400 metra); Kampin 2 (6400 metra); Kampin 3 – Murin Lhotse (6800-8000 metra); Kampin 4 – Zonën e vdekjes (8000 metra).
Në bashkëpunim me sherpat, ekipi është duke e përpiluar planin e ngjitjeve dhe zbritjeve ndërmjet këtyre kampeve. Kjo do të nënkuptojë qëndrimin e tyre disaditor në ndonjërën prej pikave të përmendura dhe madje kthimin në Kampin Bazë për pushimin e organizimit.
Caku i ekspeditës të ditët në vijim është të mbërrijnë në 7500 metra lartësi mbidetare (fillimi i murit Lhotse – malit të katërt më të lartë në botë).
