UEFA e vlerëson yllin e Cityt

4 j. më parë / 22 qer 2024 22:59
Kevin De Bruyne

Photo: Associated Press

Kevin De Bruyne e ka fituar çmimin e lojtarit më të mirë në ndeshjen që Belgjika e fitoi ndaj Rumanisë, 2:0. 

De Bruyne e shënoi golin e dytë të belgëve. 

“Ai e bëri dallimin për skuadrën e Belgjikës që i fitoi pikët e para. Edhe një herë tjetër, ai ishte lojtari vendimtar për skuadrën e tij”, ka shkruar UEFA.

Belgjika mposht Rumaninë në grupin e skuadrave me tri pikë

4 j. më parë / 22 qer 2024 22:50
Belgjika

Golat nga Youri Tielemans dhe Kevin De Bruyne e kanë vendosur sfidën ndërmjet Belgjikës dhe Rumanisë. 

Belgjika fitoi me rezultatin 2:0. Tielemans shënoi pas 73 sekondave lojë, ndërsa De Bruyne realizoi në minutën e 80-të me asistim të portierit Koen Casteels.  

Belgëve iu anulua në pjesën e dytë edhe një gol i Romelu Lukakut, që asistoi në golin e parë. 

Fitorja e Belgjikës ka bërë që ky grup të jetë i barabartë me pikë. 

Rumania, Belgjika, Sllovakia dhe Ukraina kanë nga tri pikë dhe gjithçka do të vendoset në ndeshjet e fundit të fazës grupore. 

Të mërkurën e ardhshme takohen Sllovakia – Rumania dhe Ukraina – Belgjika.

Belgjika dyfishon epërsinë, asiston portieri

4 j. më parë / 22 qer 2024 22:37
DE Bruyne-Lukaku

Kevin De Bruyne e ka shënuar një tjetër gol për Belgjikën dhe e ka dyfishuar epërsinë. 

Portieri Koen Casteels ishte asistues. Ai me top të gjatë në minutën e 80-të e gjeti mesfushorin e Manchester Cityt, që ishte i pagabueshëm përballë portierit kundërshtar. 

Belgjika është duke fituar ndaj Rumanisë, 2:0.

Belgjika dominon dhe shkon në pushim me epërsi

4 j. më parë / 22 qer 2024 21:53
Belgjika

Belgjika ka shkuar në pushim mes pjesëve me epërsi të një goli në ndeshjen e dytë të Grupit E ndaj Rumanisë. 

Belgët realizuan pas vetëm 73 sekondave lojë. 

Shënues ishte mesfushori i Aston Villas, Youri Tielemans, kur u asistua nga Romelu Lukaku. 

Për belgët ishte goli më i hershëm i shënuar në ndonjë turne ndërkombëtar.

Belgjika në epërsi të hershme

4 j. më parë / 22 qer 2024 21:03
Tielemans

Belgjika ka kaluar në epërsi të hershme në ndeshjen ndaj Rumanisë.

Youri Tielemans shënoi qysh në minutën e dytë.


 

Formacionet zyrtare Belgjika – Rumania, befasi te belgët

4 j. më parë / 22 qer 2024 20:26
Roberto Martinez

Selektori Roberto Martinez ka bërë katër ndryshime në formacion, në krahasim me lojtarët që luajtën në disfatën nga Sllovakia. 

Ish-mbrojtësi i Tottenhamit, Jan Vertonghen dhe Youri Tielemans i Aston Villas janë në formacionin titullar, njësoj si Arthur Theate dhe Dodi Lukebakio.

Formacioni i Belgjikës: 

Casteels, Castagne, Vertonghen, Faes, Theate, Onana, Tielemans, De Bruyne, Lukebakio, Doku, Lukaku

Ndërkohë, vetëm një ndryshim është te Rumania, pas fitores 3:0 ndaj Ukrainës. 

Valentin Mihaila do të jetë zëvendësues i Florinel Comanit.

Formacioni i Rumanisë: 

Nita, Bancu, Burca, Dragusin, Ratiu, Marin, Mihaila, Stanciu, Marin, Man, Dragus

Ndeshja mes Belgjikës dhe Rumanisë i takon Grupit E të “Euro 2024”. 

Rumania, Ukraina dhe Sllovakia kanë nga tri pikë. 

Belgjika e fundit është pa pikë.