Portieri legjendar danez Peter Schmeichel ka thënë se ishte “absolutisht çmenduri” që ndeshja e Euro 2020 në mes të Danimarkës dhe Finlandës u vazhdua pas kolapsimit të Christian Eriksenit.
Eriksen 29-vjeçar, është në gjendje stabile dhe me vetëdije në spital, ndërsa kishte marrë trajtim urgjent në fushën në Kopenhagë.
“Është një vendim i çmendur nga UEFA. Është dashur të përpiqeshin për një skenar tjetër dhe të tregonin pak dhembshuri, por nuk e bën këtë”, ka thënë Schmeichel, raporton BBC.
Ndeshja u pezullua pak para përfundimit të pjesës së parë, pasi 29-vjeari Eriksen kolapsoi në fushë.
Ai u trajtua për disa minuta në fushë para se të dërgohej në spital.
Edhe
Erikseni në shtëpi dhe në gjendje të mirë pas kolapsimit
Ndeshja e Grupit B më pas rifilloi në ora 20:30 dhe Finlanda ngadhënjeu me rezultatin 1:0.
UEFA ka thënë se ishte pajtuar të riniste ndeshja pas kërkesës së bërë nga lojtarët e dy ekipeve.
Lojtarëve iu dhanë dy opsione – të përfundonin ndeshjen të shtunën mbrëma, apo të dielën në mesditë.
Pasi dëgjuan se Erikseni është i vetëdijshëm dhe po flet, vendosën që ndeshjen ta përfundonin të shtunën.
Danimarka ndeshjen e radhës e ka të enjten kundër Belgjikës, ndërsa Finlanda të mërkurën kundër Rusisë.
Edhe
Bëhet e ditur gjendja shëndetsore e Eriksenit
Peter Schmeichel, që është babai i portierit danez Kasper Schmeichel, thotë se lojtarët janë vënë në pozitë të vështirë.
“Do të ishin dy orët më të këqija në kohën time në futboll. Ndodh diçka e tmerrshme si ajo dhe UEFA u jep lojtarëve dy opsione, të dalin të luajnë apo të kthehen nesër në ora 12:00 e të vazhdojnë ndeshjen. Çfarë opsione janë këto? Rezultati i ndeshjes është plotësisht jorelevant. Si mund të luash?” – ka thënë Peter Schmeichel.
