Franca barazon me Portugalinë, siguron vendin e parë në grup
22:59
Franca barazon me Portugalinë, siguron vendin e parë në grup
Franca ka barazuar 2:2 me Portugalinë duke siguruar kështu vendin e parë në Grupin F të Euro 2020.
Cristiano Ronaldo realizoi dy gola për Portugalinë nga penalltia në minutat 31 dhe 60, ndërsa për Francën të dy golat i shënoi Karim Benzema. Të parin nga penalltia në fund të pjesës së parë, ndërsa të dytin në minutën e 47-të.
Ronaldo arriti në shifrën e 109 golave me Portugalinë, duke barazuar rekordin e golave me përfaqësuese që e mbante Ali Daei i Iranit.
Franca ka përfunduar në vend të parë në grup me 5 pikë, një më tepër se Gjermania që doli e dyta. Portugalia përfundoi e treta me 4 pikë, por po ashtu siguroi kalimin tutje.
22:23
Ronaldo shënon sërish, barazon rekordin e veçantë
Cristiano Ronaldo ka shënuar edhe një penallti në ndeshjen ndaj Francës. Ronaldo shënoi në minutën e 60-të për 2:2. Ai e siguroi vet penalltinë.
Për Ronaldon është goli i 109-të me Portugalinë. Ai ka barazuar një rekord që është menduar se do të qëndrojë gjatë – për gola të shënuar me përfaqësuese. 109 gola i ka edhe Ali Daei i Iranit.
Kampionia e botës, Franca, ka kaluar në epërsi ndaj kampiones evropiane, Portugalisë. Karim Benzema ka shënuar për 2:1 në minutën e 48-të. Ai ka shmangur pozitën jashtë loje për të shënuar për epërsi. Benzema kishte shënuar edhe për 1:1, nga pika e bardhë.
Ka përfunduar në barazim 1:1 pjesa e parë e ndeshjes mes Portugalisë dhe Francës. Pasi Cristiano Ronaldo shënoi nga pika e bardhë për Portugalinë, shifrat i barazoi Karim Benzema në kohën shtesë. Edhe Benzema shënoi nga pika e bardhë.
Penalltia u shkaktua për ndërhyrje të palejuar në zonë të Nelson Semedos ndaj Kylian Mbappes. Kampionia në fuqi e botës, Franca, me rezultatet aktuale është e para në grup me 5 pikë. Portugalia është e dyta me 4 pikë. Në ndeshjen tjetër Hungaria po udhëheq 1:0 pas pjesës së parë të ndeshjes ndaj Gjermanisë.
Superylli Cristiano Ronaldo ka kaluar në epërsi Portugalinë në ndeshjen ndaj Francës. Ronaldo shënoi nga pika e bardhë, në minutën e 31-të. Ai goditi fuqishëm nga pika e bardhë. Për Ronaldon është goli i 108-të me Portugalinë.
Ai i është afruar rekordit të Ali Daei për gola të shënuar në futbollin ndërkombëtar. Daei e mban rekordin me 109 gola. Ronaldo në Euro 2020 i ka katër gola. Penalltinë e shkaktoi portieri Hugo Lloris që goditi në kokë Danilo Pereiran në minutën e 28-të, pas një goditje dënimi. Lloris në tentim për ta larguar topin, e ka goditur Pereiran në kokë.
Formacionet zyrtare të ndeshjes Portugali – Francë
Portugalia përballet sonte me Francën, me fillim nga ora 21:00, në ndeshjen e xhiros së tretë të Grupit F të Euro 2020. Ndeshja luhet në “Pushkash Arena” të Budapestit.
Të dyja kombëtaret në xhiron e fundit nuk arkëtuan pikët e plota, ku Franca u ndal nga Hungaria 1:1, ndërsa Portugalia u mposht nga Gjermania 4:2, përcjell KosovaPress.
Portugalia starton me formacion 4-2-3-1, ku sulmues i vetëm është Cristiano Ronaldo. Ndërsa Franca me një formacion 4-3-1-2.
