Gjermania avancon në 1/8 e finales, takohet me Anglinë

Me shumë mund Gjermania e ka siguruar kualifikimin në një të tetën e finales në Euro 2020. Gjermania ka marrë barazim të vështirë, 2:2, ndaj Hungarisë, të mërkurën mbrëma në Munich. Hungarezët dy herë ishin në epërsi, por gjermanët nuk janë ndaluar dhe kanë arritur synimin.

Tani në një të tetën e finales, Gjermania takohet me Anglinë. Adam Szalai shënoi për 1:0 në minutën e 11-të. Në minutën e 66-të gjermanët barazuan përmes Kai Havertz. Por menjëherë në minutën e 68-të, Andras Schafer shënoi për 2:1, me asistim të Szalai. Golin e kualifikimit për Gjermaninë e shënoi Leon Goretzka në minutën e 84-t. Ndeshja ishte me ritëm shumë të lartë. Gjermania përfundon e dyta në grup me 4 pikë. Grupin e ka fituar Franca me 5 pikë, ndërsa Portugalia avancon si e treta, me 4 pikë. Hungaria është eliminuar, por mund të mburret me dy barazime të jashtëzakonshme në “grupin e vdekjes”.

Gjermania më në fund e ka gjetur golin e dytë në ndeshjen ndaj Hungarisë.

Leon Goretzka ka shënuar për 2:2 në minutën e 84-t me goditje të saktë nga zona. Ky rezultat e dërgon tutje Gjermaninë. Aktualisht është e dyta në grup me katër pikë, sa i ka edhe Portugalia në vend tretë.

https://streamye.com/vB8a6u

Menjëherë në aksionin pas golit të barazimit, Hungaria ka kaluar në epërsi ndaj Gjermanisë.

Një intervenim i zbehtë i mbrojtjes gjermane i ka mundësuar Andras Schaferit që të shënoi për 2:1.

https://streamye.com/v9yytS

Gjermania ka barazuar në 1:1 rezultatin në ndeshjen ndaj Hungarisë. Kai Havertz shënoi me goditje me kokë nga afër, pasi fillimisht goditi Mats Hummels.

Hungaria ishte në epërsi që prej minutës së 11-të.

https://streamye.com/vfTYFG

Përfaqësuesja e Hungarisë e ka mbyllur pjesën e parë me avantazhin e një goli përballë Përfaqësueses së Gjermanisë. Sulmuesi Adam Szalai e realizoi golin e vetëm në 45 minutat e para pas asistimit të Roland Sallait, në duelin që po zhvillohet në “Allianz Arena” të Bayernit.

Gjermania aktualisht është në vendin e fundit dhe ka vetëm 3 pikë në grupin e vdekjes, Grupin F. Rrezikon avancimin në 1/8 e finales. Franca është e para me 5 pikë, Portugalia dhe Hungaria kanë nga katër pikë.

Gjermania është shokuar në fillim të ndeshjes ndaj Hungarisë.

Adam Szalai ka shënuar gol në minutën e 11-të për epërsinë e Hungarisë. Nëse mbetet ky rezultat, Gjermania do të mbetej jashtë fazës nokaut.

https://streamye.com/vqhOYP

Nga ora 21:00 do të nisë ndeshja mes Hungarisë dhe Gjermanisë, në kuadër të Grupi F, në “Allianz Arena” të Munihut.

Gjermanëve u duhet me çdo kusht fitorja për kualifikim në fazën eliminatore Euro 2020, përcjell KosovaPress.

Hungaria rikthehet nga barazimi 1:1 kundër Francës, ndërsa Gjermania në shënoi fitore 4:2 kundër Portugalisë.

Mungesa e vetme në këtë ndeshje do të jetë mbrojtësi Lukas Klostermann i RB Leipzig.

© KOHA. Të gjitha të drejtat janë të rezervuara.