Spanja barazon edhe me Poloninë

Pas barazimit me Suedinë, Spanja ka marrë një pikë edhe në ballafaqimin me Poloninë në kuadër të grupit E në Euro 2020.

Spanjollët barazuan 1:1 në një ndeshje ku humbën raste të shumta.

Spanja kaloi në epërsi në minutën e 25-të përmes Alvaro Morata, ndërsa Robert Lewandowski realizoi golin e barazimit në minutën e 54-të.

Katër minuta më vonë, Gerard Moreni humbi mundësinë e artë për ta kaluar Spanjën në avantazh, duke dështuar nga penalltia.

Spanja tubon dy pikë në vendin e tretë, ndërsa Polonia një në vendin e fundit. Suedia me katër pikë mban vendin e parë, ndërsa Sllovakia një pozitë më poshtë ka tre pikë.

Në ndeshjen e ardhshme, Suedia e kualifikuar takohet me Poloninë, kurse Spanja me Sllovakinë.

Spanja e ka lëshuar mundësinë e artë për të kaluar në epërsi ndaj Polonisë.

Gerard Moreno goditi shtyllën nga pika e bardhë, ndërsa pas topit të kthyer, Morata me portën e zbrazët, goditi topin jashtë.

Polonia e ka barazuar rezultatin ndaj Spanjës me të filluar pjesa e dytë.

Krosimin e Jozwiak nga e djathta e shfrytëzoi mjaft mirë Robert Lewandowski, i cili me kokë realizoi për 1:1 në minutën e 54-të.

Spanja e ka mbyllur me avantazh prej 1:0 duelin kundër Polonisë.

Në 45 minutat e para, vendimtar ishte goli i Alvaro Moratas në minutën e 25-të.

Polakët patën një mundësi të artë për ta barazuar rezultatin në fund të pjesës së parë, kur Swiderski goditi shtyllën, e nga topi i kthyer goditja e Lewandowskit u prit nga portieri Unai Simon.

Spanja ka realizuar golin e epërsisë përballë Polonisë.

I shumë-kritikuari Alvaro Morata ishte realizatori i golit në minutën e 25-të, pas asistimit të Gerard Morenos.

https://streamwo.com/Sy4nRRw

Ka nisur në Sevilla përballja mes Spanjës dhe Polonisë në kuadër të grupit E në “Euro 2020”.

Përballja e rëndësishme mund të jetë përcaktuese për fatin e dy kombëtareve evropiane.

Janë publikuar formacionet zyrtare të ndeshjes Spanjë – Poloni, e vlefshme për grupin E të Euro 2020.

Selektori spanjoll, Luis Enrique, ka bërë vetëm një ndryshim nga ndeshja e kaluar, duke e inkuadruar nga minuta e parë Gerard Morenon ndërsa në bankë ka ulur Ferran Torresin.

Spanja vjen këtë ndeshje pas barazimit me Suedinë, kurse Polonia pas humbjes nga Sllovakia.

Ndeshja fillon në orën 21:00.

© KOHA. Të gjitha të drejtat janë të rezervuara.