Kroacia e Çekia ndajnë pikët

Kroacia dhe Çekia kanë barazuar 1:1 në ndeshjen e dytë në grupin D të Euro 2020.

Çekët kaluan të parët në epërsi përmes Patrick Schick në minutën e 37-të, i cili konvertoi në gol penalltinë e fituar nga vet ai.

Por kroatët u kundërpërgjigjën me të filluar pjesa e dytë, kur Ivan Perishiq në minutën e 47-të barazoi shifrat.

Deri në fund, rezultati mbeti i pandryshuar.

Çekia mban vendin e parë me katër pikë në grup, ndërsa Kroacia ka një pikë. Anglia ka tre pikë në vendin e dytë, ndërsa Skocia asnjë, me dy përfaqësueset që do të takohen në orën 21:00.

Në xhiron e ardhshme, Çekia luan me Anglinë, ndërsa Kroacia me Skocinë.

Kroacia ka barazuar rezultatin me të nisur pjesa e dytë kundër Çekisë.

Ivan Perishiq në minutën e 47-të realizoi një gol mjaft të bukur për rezultatin 1:1.

Çekia e ka mbyllur me rezultat 1:0 pjesën e parë kundër Kroacisë, në kuadër të xhiros së dytë në grupin D të Euro 2020.

Patrick Schick realizoi nga penalltia në minutën e 37-të, për golin e tij të tretë personal këtë Evropian.

Çekia ka shënuar golin e epërsisë kundër Kroacisë.

Sulmuesi Patrick Schick realizoi nga pika e bardhë në minutën e 36-të.

https://streamwo.com/CXMBJHH

Ka filluar ndeshja mes Kombëtares së Kroacisë dhe asaj së Çekisë, e vlefshme kjo për Grupin D të Kampionatit Evropian 2020.

Kroacia do të hyjë në këtë ndeshje me synim për të arkëtuar tre pikët e para, dhe fitoren e parë në Euro 2020, kurse Republikës së Çekisë i duhet fitorja për të siguruar kualifikimin tutje.

Janë publikuar formacionet zyrtare të ndeshjes Kroaci – Çeki, e vlefshme për xhiron e dytë të grupit D në Euro 2020.

Kroacia vjen në këtë ndeshje pas humbjes nga Anglia, ndërsa Çekia pas fitores kundër Skocisë.

Humbja për kroatët do ishte pothuajse fatale, ndërsa çekëve iu konvenon edhe barazimi.

Ndeshja fillon në orën 18:00.

© KOHA. Të gjitha të drejtat janë të rezervuara.