Rusia ka triumfuar ndaj Finlandës me rezultatin 1:0 në ndeshjen e zhvilluar sot në St Petersburg, duke e arritur kështu fitoren e parë në “Euro 2020”.
Aleksey Miranchuk (45+2’) shënoi golin e vetëm të ndeshjes.
Rusia ndeshjen e parë në Grupin B ndaj Belgjikës e kishte humbur 3:0, ndërsa Finlanda e fitoi ndeshjen e parë ndaj Danimarkës me 1:0.
Finlanda kishte shënuar gol në minutën e 4-të në ndeshjen ndaj Rusisë nëpërmjet Joel Pohjanpalos, por goli u anulua pas rishikimit të aksionit me anë të sistemit VAR, për shkak të pozitës jashtëloje.
Të enjten në kuadër të Grupit B luajnë Danimarka me Belgjikën, ndërkohë në xhiron e fundit të Grupit B takohet Finlanda me Belgjikën dhe Rusia me Danimarkën. Këto ndeshje do të luhen më 21 qershor.
16:00
Rusia shkon në pushim me avantazh
Rusia e ka shënuar golin e parë në “Euro 2020”, ndërsa Finlanda e pranoi të parin po ashtu.
Sulmuesi i Atalantas, Aleksei Miranchuk, ishte realizator i golit të parë të rusëve në këtë Evropian. Miranchuk realizoi në minutën dytë të kohës shtesë në pjesëlojën e parë.
Ai pranoi top të mirë nga sulmuesi Artem Dzyuba, dhe me të majtën plasoi bukur topin në rrjetë.
