Ylli portugez Cristiano Ronaldo, të hënën mbrëma mbajti konferencë për media para ndeshjes Portugali – Hungari, që ka nisur në orën 18:00.

Ronaldo me t’u ulur në tavolinë, kishte para vetes dy shishe të pijes së gazuar Coca Cola dhe i largoi ato, duke ngritur lart shihen me ujë të thjeshtë dhe duke porositur: ”Pini ujë”.

Gjesti i tij nuk ishte vetëm simbolik. Me këtë ai ndikoi që aksionet e kompanisë amerikane të bien në bursë, nga 56.10 dollarë në 55.22 dollarë, përkatësisht 1.6 për qind.

Kësisoj, vlera e kompanisë ra nga 242 miliardë dollar në 238 miliardë, që i bie katër miliardë humbje.

Ronaldo njihet për jetë të shëndetshme. Por jo të gjithë në shtëpinë e tij e ndjekin shembullin e tij, sidomos jo djali i tij i madh.

“Do të shohim nëse do të bëhet futbollist i madh. Nganjëherë pinë Coca Cola dhe ha patatina, kjo më nervozon së tepërmi”, pati thënë Ronaldo.