4 perditesime
19:59

Sllovakia fiton ndaj Polonisë së Lewandowskit

Robert Lewandowski nuk ka gjetur rrugën drejt portës, ndërkohë që përfaqësuesja e tij, Polonia, e humbi ndeshjen e parë në Euro 2020.

Të hënën pasdite, Polonia u mposht 2:1 nga Sllovakia, në kuadër të Grupit E. Polakët kanë rreshtuar sulmet në fund të ndeshjes, por pa konkretizuar. Ka rrezikuar edhe Lewandowski. Kështu goli i shënuar nga Milan Skriniar doli vendimtar. Ai realizoi për 2:1 në të mirë të Sllovakisë në minutën e 69-të. Pak më herët (62’) me kartonin e dytë të verdhë u ndëshkua Grzegorz Krychowiak për ta lënë Poloninë me një lojtar më pak në fushë.

Sllovakia kaloi në avantazh që në minutën e 18-të kur Wojciech Szczesny shënoi autogol. Ai u bë portieri i parë që shënon autogol në Evropian. Karol Linetty shënoi në minutën e parë të pjesës së dytë për të barazuar shifrat në 1:1. Por sllovakët u kthyen sërish dhe shënuan fitore të rëndësishme.

19:29

Sllovakia rikthen epërsinë ndaj Polonisë

Sllovakia ka arritur të rikthej epërsinë në ndeshjen ndaj Polonisë.

Në minutën e 69-të Milan Skriniar shënoi një gol të bukur për rezultatin 2:1.

Në këtë takim Polonia është me një lojtarë më pak në fushë pasi me karton të kuq u ndëshkua Grzegorz KrychoWiak.

19:11

Polonia barazon rezultatin me të nisur pjesa e dytë

Polonia ka barazuar rezultatin në ndeshjen e Euro 2020 ndaj Sllovakisë. Me të nisur pjesa e dytë Karol Linetty shënoi për 1:1.

Linetty shënoi në minutën e 46-të pas një aksioni të rrjedhshëm të polakëve. Ndonëse nuk goditi mirë, topi shkoi në rrjetë.

Sllovakët ishin në epërsi që prej minutës së 18-të. Wojciech Szczesny shënoi autogol, duke u bërë portieri i parë në histori të Evropianëve që ka shënuar në portën e tij.

 

18:47

Sllovakia shkon në pushim me epërsi prej një goli ndaj Polonisë

Përfaqësuesja e Sllovakisë ka shkuar në pushim prej 15 minutave me një gol epërsi në ndeshjen ndaj Polonisë.

Sllovakët shënuan në minutën e 18-të me Robert Mak, që pas një depërtimi në zonë arriti të shmang bukur mbrojtësin kundërshtar dhe pas devijimit të portierit Wojciech Szczesny realizoi për 1:0.

Pas golit të pësuar futbollistët polak rrezikuan disa herë portën e Sllovakisë por pa sukses.

18:26

Sllovakia kalon në epërsi ndaj Polonisë

Përfaqësuesja e Sllovakisë ka arritur të kalojë në epërsi në ndeshjen ndaj Polonisë në kuadër të Euro 2020.

Në minutën e 18-të, Robert Mak, pas një depërtimi në zonë arriti të shmang bukur mbrojtësin kundërshtar dhe pas devijimit të portierit Wojciech Szczesny shënoi për 1:0.