Edicioni i pestë i Ligës së Kombeve për 54 përfaqësueset evropiane të futbollit përfundoi të martën.
54 përfaqësueset ishin të ndara në Ligat A, B, C dhe D. Kosova ishte pjesë e Ligës B me 16 përfaqësuese të ndara në katër grupe.
Kosova e mbylli garën në vendin e tretë në Grupin B3. Vetëm Polonia mblodhi më pak pikë se Kosova nga përfaqësueset që përfunduan në vendet e treta të katër grupeve në Ligën B.
Kosova kishte gjashtë pikë, ndërsa Polonia pesë. Ukraina e Skocia e mbyllën edicionin me nga shtatë pikë.