Ish-futbollisti i Barcelonës, Gerard Lopez, ka vlerësuar se Real Madridi paraqitet më mirë pa sulmuesin brazilian, Vinicius Junior.
Deklarata e tij vjen pas fitores së Real Madridit ndaj Barcelonës me rezultatin 2:1. Vinicius nuk ishte pjesë e “Los Blancos” në duelin ndaj Barçës për shkak të pezullimit.
47-vjeçari Lopez ka thënë se mungesa e brazilianit i ka dhënë më shumë ekuilibër skuadrës së drejtuar nga trajneri Jose Mourinho.
“Real Madridi është më mirë pas mungesës së Viniciusit. Ekipi është shumë më i ekuilibruar. Pa Viniciusin, kjo skuadër vrapon më shumë dhe vrapon më mirë”, ka deklaruar Lopez, shkruan të hënën “Goal”.
Ish-mesfushori i Barcelonës ka vlerësuar edhe paraqitjen e Yan Diomandes, i cili e zëvendësoi Viniciusin në krahun e majtë të sulmit.
Spanjolli Lopez e ka cilësuar Diomanden si lojtarin më të mirë të Realit në “El Clasico”.
“Për mua, ai është lojtari më i mirë i ndeshjes për Real Madridin. Diomande dha një paraqitje të shkëlqyer”.