Rusia do të zhvillojë bisedime trepalëshe të paqes me Ukrainën dhe Shtetet e Bashkuara në Abu Dhabi, më 10 dhe 11 nëntor, ka konfirmuar të martën Kremlini.
Vladimir Medinsky, këshilltar i presidentit rus Vladimir Putin, do të jetë kryenegociatori i Moskës në këto bisedime, u ka thënë gazetarëve zëdhënësi i Kremlinit, Dmitry Peskov, gjatë një konference.
Negociatorët amerikanë po përpiqen të arrijnë një përparim në përpjekjet për t'i dhënë fund luftës, e cila tashmë ka hyrë në vitin e saj të pestë.
Bisedimet e fundit të paqes të ndërmjetësuara nga SHBA-ja janë zhvilluar në shkurt, përpara se Shtetet e Bashkuara dhe Izraeli të nisnin luftën kundër Iranit.
I dërguari amerikan, Steve Witkoff, ka thënë të hënën se SHBA-ja do të mbledhë delegacionet e Ukrainës dhe Rusisë në Abu Dhabi javën e ardhshme, për të diskutuar marrëveshjet e sigurisë pas përfundimit të luftës dhe uljen e tensioneve.