Support TIME. Preserve the truth.
basketball

Ylli wins against Sigal Prishtina

Golden Eagle Star

Golden Eagle Ylli e ka mposhtur Sigal Prishtinën me rezultatin 92:79. 

Ndeshja e zhvilluar të shtunën mbrëma në palestrën “13 Qershori” në Suharekë i takoi xhiros së dhjetë të Superligës së Kosovës në basketboll. 

Ylli, që në çerekun e parë, krijoi epërsi prej 13 pikësh, 27:14. 

Skuadra nga Suhareka vazhdoi dominimin edhe në çerekun e dytë, duke e mbyllur pjesën e parë me 20 pikë epërsi, 52:32.

Prishtina u rikthye në lojë në çerekun e tretë, duke e ngushtuar epërsinë në 62:54. 

Megjithatë, loja e mirë e Prishtinës në çerekun e tretë nuk mjaftoi, pasi Ylli e fitoi edhe dhjetëminutëshin e fundit, duke e mbyllur ndeshjen me rezultat 92:79. 

Më i dalluari në fitoren e Yllit ishte Khalil Shabazz me 32 pikë, tri kërcime dhe nëntë asistime. 

U veçua edhe Connor Withers me 19 pikë, shtatë kërcime dhe katër asistime. 

Ndërsa lojë të mirë te Prishtina patën Daniel Hankins-Sanford me 15 pikë, 13 kërcime dhe një asistim dhe Bryson Dawkins me 23 pikë, shtatë kërcime dhe pesë asistime. 

Për Yllin është fitorja e gjashtë e edicionit. Ka edhe katër disfata. 

Ndërkohë Prishtina ka katër fitore dhe gjashtë humbje.