Kryeministri Albin Kurti ka thënë se asnjëherë s’ka pritur drejtësi nga Gjykata Speciale, ndërsa ka shtuar se këtë javë do t’i përgjigjen iniciativës së Partisë Demokratike të Kosovës (PDK) e cila kërkuar ndryshimin në Ligjin për Dhomat e Specializuara.
The PDK has submitted proposals to the Parliament and the Government for amending this law, aiming to transfer cases not related to organ trafficking charges to Kosovo for other levels of trial. The initiative was initiated after the Special Court sentenced four leaders of the Kosovo Liberation Army to 81 years in prison.
Në një konferencë për media pas mbledhjes së Qeverisë të mërkurën, Kurti ka thënë se iniciativën e PDK-së e kanë dërguar në zyrën ligjore të Ministrisë së Drejtësisë dhe Ministrisë së Financave.
“Është procedurë e rregullt. Nuk duam të bëjmë shkelje, s’kemi pse. Prej informimeve që i kam deri më tani, edhe nga ministritë, këtë javë do ta kemi përgjigjen edhe si mendim të zyrës ligjore të Ministrisë së Drejtësisë, po ashtu edhe vlerësimin financiar të buxhetit nga Ministria e Financave e menjëherë do ta përcjellim për Kuvend”, ka thënë ai.
Tutje, kryeministri u shpreh se asnjëherë nuk ka ndërruar qëndrim për Gjykatën Speciale prandaj edhe thotë se s’ka pritur drejtësi.
“Asnjëherë s’kam pritur drejtësi. Asnjëherë s’e kam ndryshuar këtë qëndrim për gjykatën. Akuza e ndërmarrjes së përbashkët kriminale duhet medoemos të korrigjohet në apel. Ka munguar transparenca, përveç se gjykatë mono-etnike. Dhe e treta janë ato pasaktësitë faktike dhe historike që dëgjuam më 16 shtator. Le të mos harrojmë se atë ditë janë lexuar dhjetëra faqe. Por vendimi i plotë është mijëra faqe”, ka deklaruar Kurti.
Kurti u shpreh optimist për zgjedhjen e presidentit deri më 6 tetor, kur është afati i fundit. Optimizmi, siç thotë Kurti, ia ka rritur Deklarata e miratuar në Kuvend të hënën me 99 vota për.
“Është e domosdoshme të kemi takime të reja. Do të kemi takime. Dhe shpresojmë që dakordësinë e së hënës ta vazhdojmë më tej. Jam optimist se e kam parë të hënën. Nuk do ta kisha këtë optimizëm nëse të hënën nuk do ta kishim miratuar me 99 vota për atë Deklaratë”, shtoi kryeministri.
