Support TIME. Preserve the truth.
Arberi

Çitaku's interpretation of the nationalist melody in Brussels: Scandal and open provocation

Vlora Citaku

Photo: Archive

Photo: Driton Pacharada

Ushtruesja e detyrës së kryetares së Partisë Demokratike të Kosovës (PDK), Vlora Çitaku, ka thënë se interpretimin e melodisë së këngës nacionaliste serbe “Oj Kosovo, Kosovo” në Forumin e Zgjerimit të Bashkimit Evropian është skandal dhe provokim i hapur.

Ajo ka thënë se mes injorancës dhe qëllimit shpresojnë të ketë qenë e para, por se asnjëra sipas saj nuk e përjashtojnë përgjegjësinë institucionale. 

“Kosovën e lënë jashtë, provokimit i japin skenë! Në një forum për të ardhmen evropiane të rajonit, interpretimi i një melodie nacionaliste serbe që ushqen pretendime ndaj Kosovës është skandal dhe provokim i hapur. Mes injorancës dhe qëllimit, shpresojmë të ketë qenë e para. Por asnjëra nuk e përjashton përgjegjësinë institucionale”, ka shkruar Çitaku në Facebook.

Ajo ka thënë se keqardhja e komisioneres për zgjerim Marta Kos është e nevojshme, por se nuk mjafton. 

“Komisioni Evropian nuk mund t’ua bartë përgjegjësinë vetëm muzikantëve. Kërkojmë sqarim, kërkimfalje dhe garanci për mospërsëritje. Pajtimi fillon me respektin për kujtesën dhe dinjitetin e secilit popull. Përkushtimi ynë ndaj BE-së mbetet i palëkundur. Pikërisht për këtë, kërkojmë përgjegjësi në emër të vlerave evropiane”, ka shkruar Çitaku.

Ajo ka thënë se Kosova meriton vendin dhe zërin e saj në debatin për zgjerimin. 

“Institucionet tona duhet të përdorin të gjithë mekanizmat institucionalë dhe diplomatikë për ta trajtuar këtë skandal dhe për të kërkuar përgjegjësi. E ardhmja evropiane e rajonit nuk ndërtohet duke përjashtuar Kosovën dhe duke u dhënë skenë pretendimeve kundër saj”, ka shkruar Çitaku.

Read other updates
nationalist song

Melody of Serbian nationalist song against Kosovo at concert organized by the EC in Brussels

A concert in Brussels, which was intended to relax the atmosphere on the eve of the "Forum of...