Besnik Vasolli, ekspert për Integrime Evropiane ka thënë se Bashkimi Evropian i ka format e presionit ndaj shteteve që shkelin marrëveshjen e CEFTA-s.
Vasolli ka thënë në “Desku” se edhe Kosova duhet të kushtëzojë në CEFTA.
“U përmend që një numër i madh i marrëveshjeve të cilat kanë mundësuar Kosovën që të jenë pjesë e tyre e marrëveshjes së Asteriksit. Kosova merr pjesë në shumë nisma rajonale barabartë me të gjithë pa asnjë problem por kjo ishte ajo formula e cila e mundësoi. Edhe në aspektin e CEFTA-s, sipas njohurisë që kemi, ata gjithmonë kanë metoda dhe kanë mundësi që në mënyra të ndryshme të kushtëzojnë secilin shtet që me qenë bashkëpunues. Ka mekanizma, ka mënyra por nevojitet vullnet politik nga BE-ja. Për ta arritur atë nivel nga BE-ja ne duhet të jemi të zëshëm, më argumentues dhe më këmbëngulës. Nga CEFTA Kosova nuk ka kurrfarë përfitimi atëherë pse të qëndrojmë në një mekanizëm të tillë, nuk po them të dalim por të kushtëzojmë edhe ne pak”, ka thënë Vasolli.
© KOHA. Të gjitha të drejtat janë të rezervuara.
