Sechs Lebensmittel mit mehr Ballaststoffen als Bohnen

Fibrat janë të rëndësishme për tretjen, shëndetin e zorrëve dhe ngopjen. Gratë rekomandohet të marrin rreth 25 gramë fibra në ditë, ndërsa burrat rreth 38 gramë, ka shkruar EatingWell.

Fasulet njihen si burim i mirë fibrash, por nuk janë e vetmja zgjedhje. Ja gjashtë ushqime që mund t’ju ndihmojnë të merrni edhe më shumë fibra.

1. Farat chia, 9.75 g fibra

Rreth 2 lugë gjelle fara chia ofrojnë pothuajse 10 gramë fibra, si dhe omega-3 bimore dhe proteina. Mund t’i shtoni në tërshërë, smoothie, kos ose puding me fruta.

2. Avokado, 9.25 g fibra

Një avokado përmban rreth 9 gramë fibra, krahas yndyrave të shëndetshme. Mund ta përdorni në sallata, në bukë të thekur, lëngje të përgatitura në shtëpi, salca ose salca për zhytje.

3. Bizele të gjelbra, 8.8 g fibra

Një filxhan bizele të ziera përmban rreth 8.8 gramë fibra dhe afërsisht 9 gramë proteina bimore. Mund t’i shtoni në supa, sallata, makarona ose t’i përdorni për të përgatitur një salcë.

4. Angjinare, qe njihet si artichoke 8.75 g fibra

Një angjinare ofron rreth 8.75 gramë fibra. Edhe versioni i konservuar është praktik dhe mund të shtohet në pica, makarona, sallata ose pjata me drithëra.

5. Mjedra, 8 g fibra

Një filxhan mjedra siguron rreth 8 gramë fibra, së bashku me antioksidantë. Mund t’i hani me kos, në mëngjes ose t’i përdorni për të bërë reçel shtëpie.

6. Thjerrëza, 7.8 g fibra

Gjysmë filxhani thjerrëza të ziera përmban rreth 7.8 gramë fibra, si dhe proteina bimore dhe hekur. Ato janë të lehta për t’u përdorur në supa, gjellë, sallata, pjata me drithëra ose salca për makarona.