Maliqi: Njohja e Kosovës, për Serbinë pjesë e pazarit

Publicisti Shkelzen Maliqi, ka thënë se "Serbia praktikisht e njeh Kosovën, por se njohjen e ka pjesë të pazarit".

I ftuar në emisionin CODEX të KTV-së, Maliqi ka thënë se njohja e Kosovës është një vlerë për këmbim, të cilën Serbia e ruan që nga viti 1999, kur pas nënshkrimit të Marrëveshjes së Kumanovës, Sllobodan Millosheviqi kishte kërkuar që vendosja e trupave të NATO-s në Kosovë të bëhej në emër të OKB-së, duke nxjerrë Rezolutën 1244 që ende është në fuqi.