Holanda “shkatërron” Suedinë, del në vendin e parë

Holanda “shkatërron” Suedinë, del në vendin e parë

Photo: Associated Press

Përfaqësuesja e Holandës ka shënuar fitore të thellë 5:1 ndaj Suedisë. Ndeshja e zhvilluar në Houston i takoi Grupit F.

Për “Tulipanët” ishte fitorja e parë në Botëror. Holanda në ndeshjen e parë barazoi 2:2 me Japoninë. Ndërsa për Suedinë ishte disfata e parë. Suedia në ndeshjen e parë fitoi 5:1 ndaj Tunizisë.

Sulmuesi i Sunderlandit, Brian Brobbey, i shënoi dy golat e parë në minutën e pestë dhe të 17-të.

Ndërkohë sulmuesi i Liverpoolit, Cody Gakpo, i shënoi dy golat e tjerë në minutën e 47-të dhe të 54-t.

Golin e pestë për “tulipanët” e realizoi Crysencio Summerville në minutën e 89-të.

Ndërsa golin e vetëm për Suedinë e realizoi Anthony Elanga.

Besfort Zeneli debutoi për Suedinë në Botëror. Ai në lojë u inkuadrua nga minuta e 56-të.

Holanda i prin Grupit F me katër pikë. Suedia ka një pikë më pak në vendin e dytë.

Zeneli debuton me Suedinë në Botëror

Besfort Zeneli ka debutuar me Suedinë në Botëror.

Zeneli është inkuadruar nga minuta e 56-të derisa Suedia është duke u mposhtur 4:1 nga Holanda.

Vjen edhe goli i katërt, Holanda po e shkatërron Suedinë

Cody Gakpo ka shënuar edhe golin e dytë personal ndaj Suedisë. Ai realizoi në minutën e 54-t.

Holanda tani po e shkel Suedinë, 4:0.

Dy golat e tjerë i realizoi Brobbey.

Holanda realizon edhe golin e tretë

Photo: Associated Press

Cody Gakpo ka shënuar golin e tretë për Holandën përballë Suedisë.

Ai shënoi në minutën e 48-të.

Holanda dyfishon rezultatin

Përfaqësuesja e Holandës e ka dyfishuar rezultatin ndaj Suedisë.

Për 2:0 realizoi Brian Brobbey në minutën e 17-të. Sulmuesi i Sunderlandit e realizoi edhe golin e parë në minutën e pestë.

Kjo ndeshje i takon Grupit F.

VIDEO:

Holanda në epërsi

Holanda ka kaluar në epërsi ndaj Suedisë.

Brian Brobbey shënoi në minutën e gjashtë.

VIDEO:

Në ndeshjen e parë, Holanda barazoi me Japoninë, ndërsa Suedia mposhti Tunizinë.

Zeneli në bankën rezervë në ndeshjen Holanda – Suedia

FIFA ka publikuar formacionet zyrtare për ndeshjen Holanda – Suedia, që nis në orën 19:00 në “NRG Stadium”, në Houston.

Suedia i prin Grupit F me tri pikë.

Nga një pikë kanë Japonia dhe Holanda, ndërsa Tunizia e fundit është pa pikë.

Formacioni i Holandës:

Verbruggen, Van Dijk, Van Hecke, Van de Ven, Dumfries, Gravenberch, Reijnders, De Jong, Gakpo, Malen, Brobbey

Formacioni i Suedisë:

Nordfeldt, Lagerbielke, Lindelof, Hien, Gudmundsson, Bernhardsson, Nygren, Kalstrom, Ayari, Isak, Vyokeres