Bosnjë-Hercegovina fiton, pret kualifikimin
Bosnjë-Hercegovina ka fituar 3:1 përballë Katarit në ndeshjen e fundit të Grupit B dhe tani e pret kualifikimin.
E ka përfunduar grupin me katër pikë në vendin e tretë. Katari eliminohet nga Botërori.
Në ndeshjen e zhvilluar në Seattle të mërkurën mbrëma, Bosnjë-Hercegovina e mbylli pjesën e parë 2:1. Kerim Alajbegoviq dhe autogoli i Sultan Al Brakes i dhanë epërsinë 2:0, ndërsa Hasan Al Haydos shënoi për Katarin.
Rezultatin e vendosi goli i Ermin Mahmiqit në minutën e 80-të. Mahmiq e zëvendësoi Edin Xhekon në minutën e 64-t.
Bosnjë-Hercegovina me katër pikë ka gjasa të mira për të avancuar në fazën nokaut të Kupës së Botës.
Bosnjë-Hercegovina pranë fitores
Bosnjë-Hercegovina është pranë fitores ndaj Katarit.
Është duke fituar 3:1. Në minutën e 80-të, gol shënoi Ermin Mahmiq, zëvendësuesi i Edin Xhekos në minutën e 64-t.
Bosnjë-Hercegovina në epërsi në ndeshjen shumë interesante
Bosnjë-Hercegovina ka shkuar në pushim me epërsi prej një goli në ndeshjen ndaj Katarit.
45 minutat e para ishin shumë interesante dhe u realizuan tri gola.
Kerim Alajbegoviq në minutën e 29-të dhe autogoli i Sultan Al Brakes në minutën e 34-t, i dhanë bosnjakëve epërsinë 2:0.
Katari nuk u dorëzua dhe e ngushtoi rezultatin në 2:1 në minutën e 42-të. Shënues ishte Hasan Al Haydos.
Nuk ndalen golat në Seattle
Në Seattle ku po zhvillohet ndeshja ndërmjet Bosnjë-Hercegovinës dhe Katarit, është shënuar edhe goli i tretë.
Hasan Al Haydos i Katarit ka shënuar për 2:1 në minutën e 42-të.
Bosnjë-Hercegovina shënon tjetër gol
Bosnjë-Hercegovina është duke fituar 2:0 ndaj Katarit.
Autogol për 2:0 realizoi mbrojtësi Sultan Al Brake, në minutën e 34-t.
Bosnjë-Hercegovina shënon gol ndaj Katarit
Bosnjë-Hercegovina ka shënuar gol ndaj Katarit në minutën e 29-të.
Sulmuesi i Salzburgut, Kerim Alajbegoviq, ka realizuar për 1:0.
Me fitore, Bosnjë-Hercegovina rrit gjasat për avancim në fazën nokaut të ngjarjes globale.
Publikohen formacionet zyrtare të ndeshjes Bosnjë-Hercegovina – Katari
FIFA ka publikuar formacionet zyrtare të ndeshjes Bosnjë-Hercegovina – Katari, që nis në orën 21:00 dhe luhet në “Lumen Field” të Seattlet.
Të dyja përfaqësueset pësuan disfata të thella në ndeshjet e xhiros së dytë, ndërsa morën nga një pikë ndaj Kanadasë, përkatësisht Zvicrës.
Fitorja është shumë e rëndësishme për të dyja përfaqësueset.
Formacioni i Bosnjë-Hercegovinës:
Vasilj, Kolashinac, Katiq, Radeljiq, Maliq, Bashiq, Shunjiq, Demiroviq, Xheko, Alajbegoviq, Bajraktareviq
Formacioni i Katarit:
Abunada, Miguel, Laye, Gaber, Khoukhi, Albrake, Boudiaf, Fathy, Junior, Alhaydos, Afif