Sekretari i Përgjithshëm i presidentit serb Aleksandër Vuçiç, Nikola Selakoviq, konfirmoi në një intervistë për mediat serbe se zgjedhjet parlamentare dhe lokale në Serbi do të mbahen më 26 prill.
Ndërkohë duke komentuar akuzat e bëra ndaj presidentit dhe vëllait të tij, Andrej Vuçiq, për lidhje me kultivues droge, në të ashtuquajturën çështja Jovanoviq, Selakoviq tha se prokuroria vendosi që Aleksandar dhe Andrej Vuçiq “nuk kanë kryer asnjë vepër kriminale” në lidhje me çështjen “Jovanoviq” dhe as nuk komunikonin apo ishin në kontakt me të dyshuarin në atë rast nga pronari i plantacionit “Jovanjica” Predrag Koluvija. Koluvia dhe tetë të dyshuarit e tjerë akuzohen për kultivimin e marijuanës në një fermë. Ata u arrestuan më 14 nëntor dhe kanë qenë në paraburgim pasi hetimi po vazhdon.
Prokuroria hodhi poshtë pretendimet se Aleksander dhe Andrei Vuçiqit kishin komunikuar me Koluvian. Akuzat ishin bërë nga nënkryetari i Partisë Popullore Miroslav Aleksiq i cili i lidhte vëllezërit Vuçiq me kultivimin e marihuanës në fermën “Jovanjica”. Duke komentuar vendimin e prokurorisë, Aleksiq tha se është plotësisht e qartë se bëhet fjalë për një farsë, për të larguar vëmendjen e publikut nga thelbi, përkatësisht prodhimi i marijuanës në plantacionin më të madh në Evropë, me mbështetje dhe mbrojtje të shtetit.
Ai tha gjithashtu se vendimi i prokurorisë ishte i pritshëm sepse siç tha ai, “ishte e qartë se prokuroria ishte e ekspozuar ndaj presionit politik gjatë procedurave” Aleksiq gjithashtu pyeti sesi është e mundur që Prokuroria nuk e kishte thirrur ende për të bërë një deklaratë lidhur me të gjitha pretendimet e tij dhe informacionin që i kishte dhënë prokurorisë./abcnews.al