Presidenti Volodymyr Zelensky ka mbajtur një fjalim duke u kërkuar partnerëve të Ukrainës në mbarë botën që të ofrojnë zgjidhje të bazuara në realitet, jo në opinione abstrakte.
Ai thotë se liderët po mblidhen për të diskutuar luftën dhe anëtarësimin e Ukrainës në NATO dhe thekson se ai e di se cilët nga ata liderët po mbështesin Ukrainën.
Për luftën, ai thotë se burrat dhe gratë ukrainase po mbrojnë shtetin e tyre për të pesëmbëdhjetën ditë dhe kanë zmbrapsur sulmet në zëna kyçe.
Ai konfirmon se tre persona, duke përfshirë një fëmijë, u vranë në bombardimin e maternitetit në Mariupol duke shtuar se pretendimi i Rusisë se nuk kishte pacientë në spital ishte gënjeshtër.
Rusët kanë krijuar një “katastrofë humanitare”, thotë ai, duke shtuar se “më është thyer zemra nga ajo që pushtuesit u kanë bërë qyteteve tona, shtetit tonë”.
Ai thotë se Rusia dëshiron të poshtërojë popullin ukrainas dhe “t’i bëjë ata të gjunjëzohen dhe të marrin bukë dhe ujë nga duart e tyre”.
Zelensky shton se “Ne nuk u bëmë skllevër dhe nuk do të bëhemi kurrë, sepse ky është shpirti ynë dhe ky është fati ynë”.
Duke parë përpara, ai thotë se pas luftës, gjithçka do të rindërtohet në standardet më të larta dhe planifikimi nga qeveria tashmë është duke u bërë. “Nuk do të mbetet asnjë gjurmë nga pushtimi rus”.
Zelensky ka thënë se ka paralajmëruar propagandistët rusë se do “të mbahen përgjegjës për pjesëmarrje në krime lufte”.
“Qytetarët rusë do t’ju urrejnë sepse i keni gënjyer vazhdimisht për shumë vjet. Kur ata do të ndjejnë pasojat në gënjeshtrat tuaja, ta ndjejnë në xhepat e tyre, mundësitë e tyre të pakëta, me të ardhmet e vjedhura të fëmijëve rusë. Kjo luftë nuk është kurrë e izoluar. Gjithmonë lëndon viktimat por edhe agresorin. Agresori e kupton këtë vetëm më vonë. Por gjithmonë e kupton dhe gjithmonë vuan”, ka thënë ai.