Presidenti i Ukrainës, Volodymyr Zelensky, deklaroi të martën se Krimea do të bëhet pjesë e Bashkimit Evropian pas çlirimit, raportoi BBC-ja.
Këto deklarime, Zelensky i bëri në hapjen e Samitit “Platforma e Krimesë”, që po mbahet online nga Kievi, derisa shtoi se po punojnë për çlirimin e gadishullit.
“Krimea ishte dhe është Ukrainë. Po krijojmë një bazë legjislative për restaurimin e Krimesë pas deokupimit”, deklaroi kreu ukrainas.
Ky është samiti i dytë që mbahet për Krimenë, qëkur Rusia e aneksoi nga territori ukrainas, në vitin 2014. Samiti i parë u mbajt më 30 gusht të 2021-s, me qëllim të projektimit të mekanizimit bashkëpunues me shtetet perëndimore.
Para pushtimit rus, Ukraina synonte që nëpërmjet samitit “të normalizoheshin” marrëdhëniet Rusi-Ukrainë, si dhe të mbroheshin të drejtat e ukrainasve në atë territor të aneksuar nga Moska zyrtare me 2014.
Në samitin që nisi të martën (23 gusht) do të marrin pjesë edhe kancelari gjerman, Olaf Scholz, kryeministri i Kanadasë, Justin Trudeau, kryeministri i Japonisë, Fumoi Kishida dhe sekretari i përgjithshëm i NATO-s, Jens Stoltenberg.
-
Trumpi thotë se Ukraina s’mund ta kthejë Krimenë e as të hyjë në NATO
-
Zelensky e Fico diskutojnë rreth anëtarësimit të Ukrainës në BE
-
Zelensky kërkon hyrjen e Ukrainës në BE më 2027, von der Leyen nuk ia konfirmon
-
Zelensky: Marrëveshja me SHBA-në për siguri është “100% gati” për t’u nënshkruar
-
1 shkurti – rundi i ardhshëm i bisedimeve për paqen në Ukrainë