Hakerat që depërtuan në rrjetet e bizneseve të kompanive amerikane të energjisë dhe bërthamore javët e fundit, punonin për qeverinë ruse, sipas një artikulli në gazetën “The Washington Post”.
Gazeta njoftoi të shtunën në mbrëmje se zyrtarë të paidentifikuar të qeverisë amerikane konfirmuan se hakerat po punonin për qeverinë ruse.
Zyrtarët i thanë gazetës “The Washington Post” se motivi nuk është i qartë, duke pasur parasysh se operacionet e kompanive të prekura nuk ishin ndërprerë.
Megjithatë një zyrtar amerikan tha se i shihte sulmet kibernetike si “një përpjekje gjurmimi” për të identifikuar se si mund të depërtohej në kompani.
“Kështu veprojnë të gjithë ata që duan të shkaktojnë dëm me sulmet kibernetike”, tha zyrtari, raporton VOA.
Sulmet ndaj sistemeve administrative dhe të biznesit të kompanive ishin konfirmuar javën e kaluar, kur Departamenti i Energjisë tha se po ndihmonte firmat që të mbroheshin nga ndërhyrjet.
-
Goditjet e Iranit ndaj objekteve të CIA-s ngrenë pyetje mbi një rol të mundshëm rus
-
Një sulm kibernetik shkakton kaos në universitete e shkolla amerikane
-
Ukraina sulmoi rafineritë ruse të naftës disa orë pasi SHBA-ja hoqi sanksionet ndaj naftës së Moskës
-
Platforma “Booking” konfirmon sulmin kibernetik, preken të dhënat e përdoruesve
-
Ukraina sulmon portin rus Ust-Luga, goditet terminali i naftës