Lideri çeçen, Ramzan Kadyrov, jeton në një vilë e cila gjendet në një hapësirë të hotelit me 5 yje në Dubai, e quajtur Saray Royal Residences.
Vlera e pronës është 7 milionë dollarë, sipas një hulumtimi ukrainas, i cili është publikuar të mërkurën nga “Ukraine Now” në rrjetin social Telegram.
Sipas raportit, vila e Kaydarovit mban numrin 21 dhe është një nga dy vilat më të mëdha në këtë zonë, me komoditet të lartë.
Thuhet se Kadyrovi pret shumë miq në vilën e tij. Në vitin 2017, ai është fotografuar brenda saj me bokserin e famshëm, Mike Tyson.
Kadyrov është një prej besnikëve më të mëdhenj të presidentit rus, Vladimir Putin.
Ai pati deklaruar se ka dërguar 10.000 ushtarë në Ukrainë për të luftuar kundër ukrainasve.
Artikuj të ngjashëm