Katër orë luksoze me vlerë prej 1.2 milionë dollarësh janë vjedhur të martën në një kompleks tregtar në Tokio, kanë thënë autoritetet.
Dy të dyshuar kanë thyer me çekiç xhamin e një vitrine përpara se të vidhnin orët nga një dyqan brenda kompleksit tregtar Nakano Broadway, sipas Departamentit të Policisë Metropolitane të Tokios.
Transmetuesi japonez NHK ka thënë se hajdutët kanë qëndruar brenda dyqanit për rreth 10 sekonda.
Njëri prej tyre raportohet se është arratisur me një skuter elektrik.
Nga incidenti nuk ka pasur të lënduar.
Artikuj të ngjashëm
