Presidenti amerikan, Donald Trump ka anuluar vizitën në Danimarkë e planifikuar për datën 2 shtator, pasi autoritetet daneze refuzuan të diskutojnë shitjen e Grenlandës.
Mbretëresha Margrethe II kishte ftuar presidentin Trump, e cila edhe është konfirmuar nga shefi i Shtëpisë së Bardhë.
Mirëpo, zhvillimet e fundit në lidhje me Grenlandën dhe komentet e kryeministres daneze Mette Frederiksen se territori autonom danez nuk është në shitje nuk janë mirëpritur nga Trump.
“Danimarka është vend shumë i veçantë me njerëz të jashtëzakonshëm, mirëpo bazuar në komentet e kryeministres, Mette Frederiksen se ajo nuk ka interes për të diskutuar blerjen e Grenlandës, unë do të shtyj takimin tonë, të planifikuar brenda dy javëve, për një herë tjetër”, shkroi Trump në Twitter.
Kryeministrja daneze, Frederiksen e ka përshkruar këtë deklaratë si “absurde” dhe ka thënë se shpreson që Trump nuk ka qenë serioz.
-
Kryeministrja daneze: Trumpi ende i interesuar ta marrë Grenlandën
-
S’mund ta negociojmë sovranitetin tonë, thotë kryeministrja e Danimarkës
-
Trumpi godet tetë shtete aleate me tarifa për shkak të Grenlandës
-
Trumpi kërcënon vendet që s’e mbështesin për Grenlandën: Mund t’u vendos tarifa të ashpra
-
Marrja e Grenlandës nga SHBA-ja: Danimarka dhe Grenlanda kërkojnë takim me Rubion