Presidenti amerikan, Donald Trump, ka deklaruar se “nuk është racist”, pasi ai ishte kritikuar se ka bërë komente vulgare për Haitin, El Salvadorin dhe disa shtete në Afrikë.
I pyetur për akuzat nga disa kritikë se ai është racist, mbrëmë presidenti Trump u tha gazetarëve se “jo, jo, unë nuk jam racist”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Unë jam personi më së paku racist që ju ndonjëherë e keni intervistuar”, tha Trump në klubin e tij privat të golfit në Floridë, transmeton rel.
Mediet e Shteteve të Bashkuara kanë raportuar se presidenti Trump i kishte përshkruar imigrantët nga Afrika dhe Haiti, se vijnë nga vendet “e pista” (“shithole”), gjatë një takimi me gjashtë senatorë në Shtëpinë e Bardhë më 10 janar.
Në këtë takim, senatorët e kishin shtruar çështjen e mbrojtjes për imigrantët nga Hait, El Salvadori dhe Afrika.
Trump i ka hedhur poshtë pohimet se ka bërë deklaratë të tillë, por nuk e ka elaboruar se çka ka thënë ai gjatë takimit.
Në raportet e mediave, që i kanë cituar burimet e paemëruara të afërta me takimin në Shtëpinë e Bardhë, është thënë se komentet vulgare të zotit Trump kanë hasur në kritika të ashpra në Shtetet e Bashkuara dhe në botë.