Sekretari amerikan i Shtetit, Rex Tillerson ka përsëritur mbështetjen e Uashingtonit për aleancën e NATO-s, një ditë pasi presidenti, Donald Trump i tha Kongresit amerikan se aleatët e NATO-s “kanë filluar” të përmbushin detyrimet e tyre financiare për shpenzimet ushtarake.
Në deklaratë e 1 marsit, Tillerson tha se administrata e Trumpit do të vazhdojë “mbështetjen e politikave dhe institucioneve që i mbajnë të sigurtë amerikanët, përfshirë një NATO të fortë, ku aleatët përmbushin përgjegjësitë e tyre”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSekretari Tillerson tha se Uashingtoni “do të punojë me aleatët për t’iu kundërvënë kombeve që kërcënojnë fqinjtë e tyre apo destabilizojnë rajonet e tyre”.
Ai tha se “politika e jashtme amerikane duhet të promovojë vlerat tona themelore të paqes, demokracisë dhe stabilitetit”.
Gjatë fjalimit të tij para Kongresit amerikan, Trump ka thënë se “Ne presim që partnerët tanë- qoftë në NATO, në Lindjen e Mesme apo Paqësor, të kenë rol të rëndësishëm në operacionet strategjike dhe ushtarake, dhe të përmbushin obligimet e tyre financiare”.