Tetë fëmijë dhe një grua kanë vdekur pasi hëngrën mish të breshkave të detit në arkipelagun e Zanzibarit.
Skynews ka raportuar të dielën se në spital janë shtruar 78 persona pasi u ushqyen me këtë lloj mishi, që në brigjet e Afrikës Lindore thuhet se përgatitet me delikatesë.
Por, ngrënia e breshkave të detit të kontaminuara mund të shkaktojë kelonitoksizëm, një lloj helmimi i rrallë ushqimor që mund të shkaktojë vdekjen. Haji Bakar, zyrtar i spitalit në Mkoani ka njoftuar se pacientët kishin ngrënë mish të martën.
Autoritetet kanë bërë thirrje të shmanget ky mish.
Zanzibari shtrihet 35 kilometra nga brigjet e Afrikës lindore-qendrore.
Ai është pjesë e Republikës së Bashkuar të Tanzanisë dhe numëron mbi 700 mijë banorë.
Artikuj të ngjashëm
-
Një sëmundje misterioze në Kongo shkaktoi vdekjen e mbi 50 personave - nisi me ngrënien e një lakuriqi
-
Rreziku që i kanoset popullit të Bangladeshit nga uji i kontaminuar me arsenik
-
Arrin në 46 numri i të vdekurve nga zjarri në një ndërtesë në Bangladesh
-
Të paktën 43 të vdekur nga zjarri në një ndërtesë në Bangladesh
-
Bakteri i rrezikshëm që ha mishin e njeriut