Një raketë kërkimore e lëshuar herët të hënën nga Sweden Space Corp (SSC) nga qendra hapësinore Esrange në Suedinë veriore nuk funksionoi dhe u ul 15 kilometra brenda Norvegjisë fqinje, shkruan BBC.
Raketa arriti një lartësi prej 250 kilometrash ku eksperimentet u kryen në gravitet zero, sipas deklaratës së agjencisë.
“Ajo ra në male në një lartësi prej 1000 metrash dhe 10 kilometra nga vendbanimi më i afërt”, ka thënë Philip Ohlsson, kreu i komunikimeve në SSC.
Korporata Suedeze e Hapësirës (SSC), e cila zotëron dhe drejton qendrën, ka kërkuar falje dhe po heton. Por Norvegjia kritikoi Suedinë për mosinformim zyrtar.
“Ky është një devijim që ne e marrim seriozisht. Është ende herët për të spekuluar për shkakun dhe ne presim më shumë informacion nga hetimi aktual”, ka thënë Marko Kohberg nga Qendra Hapësinore Esrange norvegjeze.
Edhe
Raketa e parë orbitale e lëshuar nga Evropa rrëzohet pas ngritjes
SCC ka thënë se autoritetet norvegjeze dhe suedeze u kontaktuan menjëherë pas incidentit. Por Ministria e Jashtme e Norvegjisë ka thënë se nuk ishte njoftuar siç duhet as për uljen e raketës dhe as për kthimin e ngarkesës së saj, dhe se e merr seriozisht çdo aktivitet të paautorizuar brenda kufijve të saj.
Raketa, e njohur si Texus-58, është pjesë e një programi evropian të porositur nga Agjencia Evropiane e Hapësirës.
