Zyrtarët në Sllovaki kanë njoftuar se në 24 orët e fundit nuk kanë regjistruar asnjë rast me koronavirus.
Kjo është hera e parë që në këtë vend, në dy muajt e fundit, nuk është regjistruar asnjë rast i ri me koronavirus, transmeton REL.
Në Sllovaki, që tre ditë, autoritetet kanë hequr disa masa të izolimit, duke lejuar që të gjitha dyqanet, përveç qendrave tregtare, të rihapen. Po ashtu, në Sllovaki janë hapur galeritë, muzetë, megjithatë shkollat vazhdojnë të jenë të mbyllura.
Po ashtu, ritet fetare dhe dasmat do të lejohen të mbahen, edhe pse autoritetet kanë vendosur kufizime në numrin e pjesëmarrësve.
Sllovakia, që ka rreth 5,5 milionë banorë deri më tani ka 1,455 raste me koronavirus dhe 26 viktima. Ndërkaq, mbi 900 pacientë janë shëruar.
Rastet e para u shënuan më 6 mars.
-
Në Slloveni nuk ka raste të reja me koronavirus, nesër hapen shkollat
-
Sllovenia shënon rekord të rasteve të reja me koronavirus
-
Sllovenia “mposhti” koronavirusin, sot ishte dita e fundit e epidemisë
-
1.524 raste të reja me koronavirus në Slloveni, 44 persona vdiqën
-
Sllovenia regjistron rekord të prekurish me koronavirus – 1.663