Forcat amerikane janë gati të mbrojnë Guamin, deklaroi sot Shtëpia e Bardhë, ndërkohë që Koreja e Veriut njoftoi se synon të lëshojë raketa pranë këtij ishulli amerikan në Paqësor.
“Gjatë një bisede telefonike me guvernatorin e Guam, Eddie Calvo, Trump e garantoi se forcat amerikane janë gati të garantojnë sigurinë e popullsisë së Guam, ashtu si për të gjithë SHBA-në”, njoftoi Shtëpia e Bardhë në një komunikatë.
Nga ana tjetër Shtëpia e bardhë bëri thirrje që Koreja e Veriut duhet të ndërpresë sjelljen e saj provokuese dhe që sjell përshkallëzim, pas një bisede telefonike të presidentit Donald Trump me homologun e tij kinez, Xi Jinping.
“Dy presidentët rikonfirmuan angazhimin e tyre të përbashkët për denuklearizimin e gadishullit korean”, vazhdon Shtëpia e Bardhë në këtë komunikatë.
