Kreu i autoritetit të migracionit të Meksikës, Francisco Garduno, është akuzuar në lidhje me një zjarr vdekjeprurës në një qendër migrantësh në Ciudad Juárez më 27 mars.
40 emigrantë nga Amerika Qendrore dhe Jugore vdiqën pas hekurave kur tymi mbushi një qeli në të cilën po mbaheshin.
Pamjet e kamerave CCTV shfaqnin rojet duke u larguar ndërsa zjarri u përhap pa hapur derën e mbyllur të qelisë.
Garduno është zyrtari më i lartë që është akuzuar për zjarrin, shkruan BBC.
Zjarri vdekjeprurës shkaktoi zemërim dhe ngriti pyetje në lidhje me trajtimin e emigrantëve nga autoritetet meksikane.
Një gjykatë në Ciudad Juarez vendosi të dielën se kishte prova të mjaftueshme për të akuzuar Gardunon për “ushtrim të paligjshëm të funksionit publik”.
74-vjeçari nuk është arrestuar, por është urdhëruar të raportojë rregullisht pranë autoriteteve.
Edhe
Vdekja e refugjatëve, pjesëtarët e sigurisë ia vunë zjarrin qendrës së refugjatëve në Meksikë
Prokurorët argumentojnë se dështimi i tij për të vepruar çoi në vdekjen e emigrantëve që mbaheshin në qendrën e drejtuar nga Instituti Kombëtar i Migracionit (INM) në jug të kufirit SHBA-Meksikë.
Prokurorisë i janë dhënë katër muaj kohë për të ngritur çështjen kundër Gardunos përpara se të fillojë gjyqi.
Garduno tha se ai nuk mund të komentojë mbi rastin në vazhdim.
-
Zjarr në një qendër të migrantëve në Meksikë, raportohet për të paktën 39 të vdekur
-
Spanja vendos barrierë detare në kufirin e Ceutës me Marokun
-
Kryeministri spanjoll fajëson rrjetet e trafikimit pas valës së migrantëve në Ceuta
-
Të paktën 34 të vdekur në përpjekjen për ta kaluar kufirin, 60 mijë migrantë hyjnë në Ceuta