Presidenti Donald Trump ka bërë të ditur se SHBA-ja do të vendosë tarifa doganore prej 25% për produktet që importohen nga Koreja e Jugut dhe Japonia duke filluar nga data 1 gusht. Njoftimi është bërë përmes një postimi në rrjetet sociale, ku Trump ka ndarë edhe letra që ai pretendon se ua ka dërguar liderëve të këtyre dy vendeve.
Shtëpia e Bardhë ka bërë të ditur se priten letra të ngjashme për shumë vende të tjera, pasi periudha 90-ditore e shtyrjes së tarifave më agresive është drejt përfundimit. Kjo periudhë u vendos për të lejuar negociata me disa shtete pas valës fillestare të reagimeve të ashpra dhe pasigurive në tregjet financiare.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDy letrat e para të publikuara tregojnë se Trumpi mbetet i vendosur për të zbatuar tarifat që kishte paralajmëruar më herët në prill – ku përmendi taksë 24% për produktet nga Japonia dhe 25% për ato nga Koreja e Jugut.
Këto tarifa janë pjesë e një pakete më të gjerë të shpallur në të ashtuquajturën “Dita e Çlirimit” (“Liberation Day”), ku SHBA shpalli tarifa të reja për mallra nga vende të ndryshme të botës – në disa raste me taksa që kalonin 40%.
Pas kritikave dhe shqetësimeve në tregje, Trumpi kishte pezulluar disa prej tarifave më të larta për të hapur rrugën për negociata, duke lënë në fuqi vetëm një taksë 10%. Megjithatë, afati për arritjen e marrëveshjeve përfundon më 9 korrik dhe Trumpi ka paralajmëruar se nga 1 gushti do të fillojë aplikimi i tarifave të plota, duke e shtyrë kështu afatin edhe për pak kohë.