Presidenti amerikan, Donald Trump, ka thënë se SHBA-ja ka lëshuar “sulm të fuqishëm dhe vdekjeprurës” kundër grupit të Shtetit Islamik në veriperëndim të Nigerisë.
Trump e përshkroi IS-in si “llum terroristësh”, duke e akuzuar për shënjestrim dhe vrasje të të krishterëve, raportoi BBC.
Ai ka shtuar se ushtria amerikane “ka kryer një numër sulmesh perfektë”, derisa më vonë Komanda Amerikane në Afrikë (Africom) raportoi se sulmi ishte ndërmarrë në koordinim me Nigerinë.
Ministri i Jashtëm nigerian, Yusuf Maitama Tuggar, ka thënë se ishte “operacion i përbashkët kundër terroristëve”.
Pa e përmendur IS-in, Tuggar shtoi se operacioni ishte planifikuar “qe disa kohë” dhe se kishte përdorur informacione nga inteligjenca e ofruar nga Nigeria.
Artikuj të ngjashëm
-
Trump: I dhamë ISIS-it një dhuratë Krishtlindjeje
-
Trumpi urdhëron Pentagonin të përgatitet për sulm të mundshëm ndaj Nigerisë
-
Udhëheqësi i lartë i ISIS-it vritet nga forcat amerikane dhe nigeriane
-
SHBA-ja kryen sulm masiv kundër IS-it në Siri
-
Trumpi zotohet për hakmarrje pas vrasjes së tre amerikanëve në “sulmin e ISIS-it” në Siri