Ministri i Jashtëm i Serbisë, Ivica Daçiq, tha se Serbia, nga 1 qershori, do t’i rihapë kufijtë për shtetasit e Bosnje dhe Hercegovinës, Malit të Zi, Shqipërisë dhe Maqedonisë së Veriut.
Kufijtë në rajon janë mbyllur qysh në mes të muajit mars, për shkak të pandemisë së koronavirusit.
Daçiq tha se kufizimet për qytetarët e vendeve të Bashkimit Evropian do të mbeten në fuqi së paku deri më 15 qershor.
Duke folur për mediat serbe, Daçiq tha se këto janë qëndrimet e Serbisë dhe se hyrja e qytetarëve serbë në vendet e tjera do të varet nga rregullat që i kanë ato vende, transmeton rel.
Ai po ashtu tha se Serbia, që nga fillimi i pandemisë, ka riatdhesuar rreth 15,000 qytetarë të saj nga vende të ndryshme të botës.
Ata janë kthyer me fluturime humanitare, tha Daçiqi.
Edhe
Kufijtë e BE-së mund të mbeten të mbyllur për vendet e Ballkanit Perëndimor
Serbia është vendi më i prekur nga koronavirusi në rajonin e Ballkanit Perëndimor.
Mbi 10,000 njerëz janë infektuar atje, ndërsa kanë vdekur 220.
Javën e kaluar, Kuvendi i Serbisë ka votuar për heqjen e gjendjes së jashtëzakonshme në këtë vend, e cila është vendosur më 15 mars, si masë për frenimin e koronavirusit.
-
BE-ja hap kufijtë për vendet e Ballkanit nga 1 korriku
-
Këshilli Evropian vendos për heqjen e vizave për shtetasit e Kosovës që kanë pasaporta të Serbisë
-
Daçiqi për liberalizimin e vizave për Kosovën: Është kundërproduktive të shpërblehet Prishtina
-
BE-ja do të heqë Kosovën nga lista e kuqe për udhëtime