Njëri prej komandantëve të formacioneve paraushtarake serbe gjatë luftës në Kroaci, Dragan Vasilkoviq, i njohur si “kapiten Dragani” sot nga një gjykatë në Split është shpallur fajtor për krime të luftës kundër ushtarëve dhe civilëve kroatë.
Vasilkoviq është dënuar me 15 vjet burg, kanë raportuar mediat lokale, shkruan REL.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAktakuza e ngarkonte atë për krime të luftës të kryera në mes të vitit 1991 në burgun e Kninit, dhe në vitin 1993, në një lokalitet afër Benkovcit, ku i ka torturuar, keqtrajtuar dhe vrarë, pjesëtarët e burgosur të ushtrisë dhe policisë kroate.
Në fjalën e tij përfundimtare, Dragan Vasilkoviq, javën e kaluar, i ka hedhur poshtë akuzat, ndërsa procesin gjyqësor e ka cilësuar si “ndjekje të tmerrshme fashiste”.
Ai theksoi, po ashtu, se është viktimë e procesit të montuar politik dhe se i janë marrë 12 vjet të jetës së tij, aq sa i ishin dashur Australisë, ku jetonte, që të vendoste për ekstradimin e tij në Kroaci.