Rusia ka miratuar një draft-marrëveshje me Egjiptin, që avionët luftarakë rusë të përdorin bazat ushtarake egjiptiane, një lëvizje kjo që i mundëson Moskës të rrisë prezencën ushtarake në Lindjen e Mesme.
Draft-marrëveshja është publikuar më 30 nëntor, pasi është nënshkruar nga kryeministri rus, Dmitry Medvedev. Sipas këtij dokumenti, Ministria e Mbrojtjes së Rusisë do të negociojë detajet e marrëveshjes me zyrtarët e Egjiptit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKjo marrëveshje do të lejojë që ushtritë e dy vendeve të përdorin bazat ajrore të njëri-tjetrit, për një periudhë pesë vjeçare, me mundësi të zgjatjes të kësaj periudhe nëse dy palët pajtohen.
Rusia ngriti profilin e saj në Lindjen e Mesme më 2015, pasi nisi një fushatë ajrore në mbështetje të trupave të presidentit sirian, Bashar al-Assad. Rusia ka bazë ajrore në Siri dhe strukturë për furnizim detar, por po planifikon që t’i zgjerojë ato.