Rusia ka urdhëruar 31 diplomatë holandezë, belgë dhe austriakë që të largohen nga vendi si kundërpërgjigje e izolimit të Moskës nga vendet evropiane për shkak të luftës së saj në Ukrainë.
Ministria e Jashtme ruse ka shpallur “persona non-grata” 15 diplomatë nga Holanda dhe 12 punonjës të ambasadës belge, duke u dhënë atyre dy javë kohë për t’u larguar. Ndërsa katër diplomatëve austriakë, Rusia u ka dhënë afat deri të dielën që të largohen, raportoi të martën AFP-ja.
Vendimi i Rusisë është marrë pasi Holanda, Belgjika dhe Austria njoftuan për dëbimin e disa diplomatëve rusë. Ministria e Jashtme ruse e quajti vendimin e Holandës dhe të Belgjikës për dëbimin e zyrtarëve të Moskës të pabazë dhe provokues.
Më shumë dëbime priten pas vendimeve të Gjermanisë dhe Francës që secili të dëbojë 40 të dërguarit e Moskës.
-
BE-ja mban diplomatët në Ukrainë, dëshiron më shumë presion mbi Rusinë
-
Shtetet e BE-së thërrasin ambasadorët rusë pas kërcënimeve të reja të Moskës
-
Moska dëbon edhe një diplomat britanik nën akuzat për spiunazh
-
Franca do të thërras ambasadorin rus lidhur me një fushatë sulmesh kibernetike
-
BE-ja me sanksione kundër prodhuesve rusë të dronëve pas sulmeve masive në Kiev